Noyad Mont-Choisy: “Mo bien sagrin pou sa fami-la,” enn temwin dir

Reena Neerputh ti ena 21 an. Sa abitant Poudre-D’Or la finn mor Mardi le 3 Zanvie, viktim enn noyad a Mont-Choisy. Noorina Saib finn temwin sa dram-la azordi. Li finn konfie li a l’Express.

Reena Neerputh, 21 an, finn mor noye azordi le 3 Zanvie 2017.

“Monn tann kriye ki enn zanfan ti pe noye. Monn grinpe. Monn al guete ki pe arive.” Bann gard-kot finn tir lekor-la depi dilo. Viktim-la finn transporte a lopital lenor kot so dese finn konstate.

Noorina Saib finn amenn ban pros Reena Neerputh a lopital. “Mo bien trist,” li dir. “Li vreman pa fasil. Mo bien sagrin pou sa fami-la.”

La-fami Reena Neerputh finn reuni dan lakour lopital.

“Ena boukou kouran.”

Divan sa dram inatandi-la, Noorina Saib fer apel a la pridans. “Pran boukou prekosion. Ena boukou kouran.”

Se enn sorti ant kouzin ek kouzinn ki finn vir an dram. Tou inn pase an fraksion segonn. “Sweta inn ale. Nou tou ti pe naze ansam,” ban kouzin-la dir.

Comments

comments