[Exclusive] Diskision Ant De Fami A Grand-Gaube: Helicopter Squadron Ek Komando GIPM Sap Enn Fami ‘Sekestre’

Ti ena viv tansion a Morcellement Sim Fat, Grand-Gaube, azordi gramatin boner, Merkredi le 4 Zanvie. Dapre informasion nou finn gengne, enn diskision ant de fami inn dezenere.

Lapolis ti dan vilaz-la depi bien boner.

Inn bizin fort mobilizasion lapolis. Ponpie osi finn mande sur plas paski bann veyikil finn insandie. Finn osi ena plizir blese. Ti ankor ena lapolis a 7hr gramatin ek zot ankor prezan mem si partou inn kalme.

UPDATE:

Helicopter Squadron ek bann komando GIPM finn donn zot sekour a enn fami ki ti ‘sekestre’. Enn l’anket lapolis finn ouver.

Dapre reanseignman nou finn gengne, enn group individi finn debark a Morcellement Sin Fat ver 1hr dimatin pou rod enn misie. Ban pros misie-la finn interpoze ek finn ena enn viv alterkasion. Plizir personn, dan de kan-la, finn blese.

Lapolis, ki finn mande sur plas, inn bizin travay dir pou kalme ban l’espri. Ban fors de l’ord, ki touzour sur plas, pa finn fer oken arestasion, akoz priorite ti met l’ord dan l’andrwa-la. Kapav pou ena arestasion apre pou met l’ord piblik.

Enn lot plas, finn ena enn insandi dan enn lakaz dan Grand-Gaube mem pandan la-nuit. Lapolis pankor sir si sa insandi-la lie avek sa bagar-la.

Comments

comments