Bon-Acceuil: Enn Berze Alman Ek Enn Rottweiler Atak Enn Fam

Madam-la finn blese grav lo so zepol. Mooneshwaree Beeharry ti pe retourne depi travay, a Bon-Acceuil, kan de lisien, enn rottweiler ek enn berze alman, finn mord li Zedi le 5 Zanvie. Li finn admet lopital a Flacq. Dapre bann informasion ki nou finn gengne, so l’eta la-sante stab.

Audio:

La-fami Holuss ki abit lari Toori, ek proprieter sa de lisien-la, pa pe konpran ki finn pase. Dapre banla, zot lisien rottweiler ki apel Rex abitie zoue avek bann pasan san ki li mord zot.

Kote la-fami viktim-la, se enn lot son la-klos ki nou tande. “Rex sem la-terer dan sa simin-la ek pa premie fwa ki li finn atak enn abitan rezion-la,” mari Monneshwaree Beeharry, Dharam Beeharry, dir.

Comments

comments