[Video] Ébène: Trouv 3 Mini Tournad Ki Enn Fenomen Rar

Loading...

Se enn fenomen meteorolozik rar ki finn obzerve a Ébène azordi, Mardi le 31 Zanvie. Akhtar Allamammaly, ki abit Sebastopol ek ena 30 an, dir linn atire pa sa fenomen natirel-la kan li ti dan travay a Ebène. Li finn trouv sa ver 10hr45.

“lesiel ti gri. Kan monn guet lao monn atire par prezans 2 mini tornad. Finn ena enn trwaziem kinn manifeste zis apre. Ti bien inpresionan. Mo finn aporte par la curiosite. Alos monn tir mo portab pou fer enn video ek tir bann foto,” zen zom-la rakonte.

Chek video par Defimedia:

Sa abitan Sebastopol-la inn azoute ki aparision sa bann “mini tournad-la” inn dure plis ki 20 minit. “Zot ti enn kou gran ek enn kou tipti. Mo finn intrigue par sa dekouvert-la. Mo finn alert mo koleg pou ki zot osi zot kapav guet sa fenomen-la,” li explike.

“Enn mini tornad forme swit a bann formasion funnel clouds ki osi konu kom cumulonimbus. Enn kouran ler leze avek enn to imidite, akonpagne par enn l’efe la briz la mer aktid, kontribie a enn formasion le siel gri. Aparision enn mini tournad li natirel. Li pa ni danzere ni ena ban l’efe devastatris. Li dure o mwin 15 a 30 minit,” enn meteorolog explike.

Comments

comments