Flic-en-Flac: Retrouv Lekor Roshan Pultoo

Loading...

Se ver 6hr ki bann resers pou retrouv Roshan Pultoo, enn abitan Flic-en-Flac, ki ena 39 an, inn repran. Li ti pe naze dan la zourne yer, Merkredi le 8 Mars, avek Andrei Dzyma, enn tourist Ukrainien ki ena 54 an, ki ti pe sezourne a Aloha Villa, ti pe fer canoe-kayak, kan linn retrouv li an difikilte. Inn retrouv lekor viktim la azordi, Zedi le 9 Mars.

Lot kote, kan bann ofisie National Coast Guard inn esay ed banla, zot anbarkasyon inn chavire akoz tiena gro vag lo sa parti spesifik lakot la. Apre sa, bann ofisie Special Mobile Force (SMF) inn resi rekourir tourist la ek de ofisie NCG ki ti agripe lo resif. Zot inn blese ek inn transport zot an irzans a lopital. Tourist la inn rant kot li.

Elikopter lapolis ek Commando Marcos depi NCG inn mande sur plas pou resers Roshan Pultoo, me san oken sikse. Bann resers inn kontinie ziska 19hr.

Enn Bon Nazer

Sours foto: motinews.info

L’express finn rankontre fianse viktim la dan la sware Merkredi. Li ti pe atann, an larm, dan stasyon lapolis Flic-en-Flac bann sovter NCG dan lespwar pou retrouv Roshan Pultoo. “Li ti sorti ver midi pandan ki mo ti pe travay. Linn dir mwa ki li pe al naze,” li rakonte. Se par radio enn tigit plitar ki li finn aprann ki lamer ti bien move. Me li pann resi rant an kontak avek so fianse. “Monn fini kone ki li an danze sa ler la.”

Comments

comments