Pereybere: Mohamad Rezah Auckbaraullee Mor Apre Enn Kriz Kardiak Lo Volan So Loto

Loading...

Mohamad Rezah Auckbaraullee inn konn enn lafin bien trist.

Sa abitan Plaine-Verte la, ki ena 52 an, inn mor apre enn kriz kardiak Zedi aswar le 9 Mars kan li ti lo volan so loto. Li ti pe sirkile lo larout pereybere ek al direksyon Cap-Malheureux kan li finn gengn enn malaise. So loto inn terminn so kours kont enn kolonn elektrik an dibwa avan aret anplas.

Lapolis Grand-Baie inn alerte ek zot finn al sur plas kot aksidan la. Kan bann servis led medikal inn vini, zot inn konstate ki viktim la inn deja fini mor. Lekor inn transfere lamorg. Dr. Sudesh Kumar Gungadin inn fer otopsi ek linn atribue so dese a enn ‘ventricular failure’.

Se la konstrernasyon kot lafami Auckbaraullee a Plaine-Verte. Finn fer enn latant pou akeyir bann pros ek kamarad ki finn vinn rann li enn dernie omaz. Zann Rezah Auckbaraullee explike ki li ti pe sorti depi so bungalow kan finn ariv sa dram la. “Li ti al aroz bann plant so bungalow. Mo boper ti ena enn pasyon pou zardinaz.”

Se ver 2hr dimatin ki lafami inn aprann sa trist nouvel la. “Mo boper ti bien apresie ek respekte dan la rezion. Li ti enn dimoun korek. Li ti proprieter magazin Fancy Trading, ki spesialize dan lavant bann piece loto ek moto,” so zann konfie. Funeray Rezah Auckbaraullee inn fer Vandredi apre-midi.

Comments

comments