[Atansion Arnak] Lalmatie: Brandon “Mo Mama Gengn Enn Let Depi Sud-Afrik Ki Li Pou Gengn $18 Million”

Loading...

Brandon, ki abit Lalmatie ek ena 21 an, inn apros nou azordi, Mardi le 21 Mars, pou rakont nou kouma so mama ti kapav avoy tou so bann kordone la bank a enn arnaker. Li finn dir ki li pa anvi sa ariv kiken ek pe prevenir zot a enn arnak ki zot pe fer. Banla konn ti nom lakaz so mama ki finn ekrir lo let la.

Brandon dir: “Se enn arnak. Mo pa anvi lezot dimoun pass ladan ek al donn sa bann arnaker la zot bann kordone la bank. Mo mama finn gengn enn let kot swadizan enn reprezantan la bank pou anvway li enn som larzan ek an retour li pou donn li enn pousantaz. Ek a la fin let la li dimann zot kordone la bank. Saki louss ladan pa kone kouma zot konn so ti nom lakaz.”

Nou finn desid pou publie so problm pou ki dimoun pa rant dan sa piez la. Ena boukou dimoun ki finn gengn bann let ou mem ban mesaz lo porta pou donn zot kordone. Nou averti zot ress lwin avek bann zafer koumsa paski tou foss ladan. Se enn arnak ek raport sa lapolis deswit.

Eski zot inn deza gengn enn let ou mesaz koumsa? Ki zot inn fer? Met enn komanter anba. Pa blie partaz sa lartik la avek zot bann pros pou zot fer atansion paski plizir dimoun inn pieze dan le pase. Mersi lepep.

Comments

comments