‘Aktris Fim Indien’: Li Partaz Bann Foto Anbarasant So Ex Lo Facebook

Loading...

Harsha, 17 an, finn rakont nou sa evenman la ki finn fer so lavi pouri depi plis ki 2 an.

Harsha* ti pe sorti avek Ashish* depi 2 an. Li finn desid pou kit li pou konsantre lo so letid. Ashish pa finn dizer sa. Harsha rakont nou: “Li finn ankoler ek inn refuz pou koz avek mwa. Par laswit, mo bann kamarad klass inn koumans apel mwa ‘aktris fim indien’.

O komansman, mo pa finn konpran. Se kan enn kouzin finn dir mwa ki Ashish inn montre li bann foto ki linn pran avek mwa lane dernie ki monn konpran tou. Linn menas pou montre sa mo fami ek tou mo bann kamarad. Kouma mo ti kapav kouyon koumsa? Mo pa kone ki finn pran mwa pou less Ashish fer bann foto avek mwa touni.”

Adolesant la finn port plint a lapolis.

Cybercrime Unit dir bann fam pou pa less zot partner filme ou tir zot foto lo bann pozisyon oze pou evit bann konsekans indezire apre.

Lapolis invit bann viktim atake lo Facebook avek bann foss kont pou kontakte Computer Emergency Response Team, lari La Poudriere a Port-Louis, pou reklam retre bann foto ek fermtir bann foss kont la.

* prenom modifie

Comments

comments