[Video] Bato Pran Dife Caudan Waterfront: Enn Abitan Camp-Benoit Perdi Lavi

Loading...

Li ti pe travay dan lakal bato la kan sa inn pran dife dan Caudan Waterfront azordi gramatin, Merkredi le 19 Avril. Enn abitan Camp-Benoit, Grande-Rivière-Nord-Ouest inn retrouv li kwinse. Papa sa fami la pa finn surviv. So lekor inn retire depi bato la ki finn parsielman detrir.

Se ver 10hr30 ki alert finn done. 13 personn ti pe travay dan bato la ek 2 ladan inn blese. Inn transport zot a lopital Jeetoo.

Guet video par l’express:

Mauritius Fire Rescue Services, Port Fire Fighters ek bann personel Mauritius Ports Authority (MPA) inn mobilize pou teign dife la. Bann sirkonstans ankor inkonu ziska ler.

Toutfwa, Burty Pierre-Louis, enn zom ki ti trouv dan bato la inn indike ki li finn tann enn tapaz. “Pa kone kinn eklate dan bato la nou inn bizin sove. Nou trouv lafime pe koumans monte. Nou ti pe fer bann travay lo bato la,” li dir touzour an sok.

Comments

comments