Roche-Terre: Enn Camion Ek Enn Motosiklet Rant An Kolizyon; Enn Mor Ek Enn Blese Grav

Loading...

Enn dram finn zoue lo larout Roche-Terre, ver 08hr20 azordi, Zedi le 20 Avril. Samuel John, enn abitan la rezion, ki ena 45 an, ek so madam ti lo motosiklet kan zot inn perkute par enn kamyon.

Blese grav, couple la inn transporte an irzans a lopital SSRN ki trouv dan Pamplemousses. Toutfwa, bann medsin servis inn konstat dese viktim la. So madam inn admet dan swin intansif.

Sofer kamyon la, Parveez Goolamaully, enn abitan Goodlands, 47 an, pe aktuelman interoze par lapolis lokalite. Enn lanket inn ouver pou determinn sirkonstans exak sa aksidan la.

Admet dan ICU

Lavey, se a Chebel ki enn aksidan ti prodwir. Enn pietonn 42 an ti pe travers larout, pre avek Gamma Civic kan enn loto inn tap avek li. Blese, inn transport viktim la lopital Jeetoo, kot linn admet dan swin intansif.

Sofer loto la, enn abitan lari René Gobelet, Roches-Brunes, 42 an, inn fer enn lalkol test ki finn revel negatif.

Comments

comments