Bambous: Li Frakass Latet So Ex-Concubine Avek Enn Ross

Loading...

Eric Flora Louis pa montre oken sign remors kan linn sorti divan Bail and Remand Court azordi, Samdi le 22 Avril. Ek pourtan, enn akizasyon provizwar ‘Breach of domestic violence’ inn retenir kont li pou agresyon so ex-konkubinn ki ena 46 an.

Viktim la dan enn leta kritik a lopital Victoria depi Zedi. Li ti retrouve san konesans dan so lakaz a Bambous aswar. Li finn transporte an irzans a lopital Victoria avek bann blesir lo latet.

Se apre ki linn gengn konesans, linn konfie avek bann zom serzan Allagin ki ti vinn interoz li a lopital. Li dir ki so ex-konkubin inn debark kot li, Zedi apre-midi. Li ti dan so leta. Apre ki linn zour li, linn koumans donn li bann kou avan zet li anba. Apre sa, linn trap li ek frakass so latet avek enn ross.

Komien kou linn gengne sa zour la? Inposib pou viktim la pou reponn sa kesyon la paski li ti fini tonb san konesans. Touzour dan so depozisyon, li revele ki sa fer 10 an li viv an konkubinaz avek Eric Flora Louis. Sa couple la ena de zanfan ki ena 11 ek 13 an. Me depi anviron enn an, li dir, zot relasyon inn deteriore ek li ti pe subir bann violans fizik regulie par Eric Flora Louis.

Apre ki li finn port plint kont li, linn gengn enn protection order. Me Eric Flora Louis pa ti enn zom ki pou intimid li par enn ‘protection order’ lakour. Se koumsa mem ki linn desid pou al kot so konkubinn pou regle kont avek li.

Comments

comments