Aksidan Fatal Calebasses: “Li Sorti Travay Pou Al Lakaz Me Bondie Inn Pran Li”

Loading...

Larout inn fer enn nouvo viktim koumansman apre-midi yer, Samdi le 22 Avril. Inn dekouver Jean Marie Bardotier ki ti akote so motosiklet ver 13hr lo otorout o nivo Calebasses.

Sa zom 53 an inn kondwir a lopital SSRN kot linn desede. Lapolis inn ouver enn lanket pou konn sirkonstans sa aksidan la. Bann funeray inn prevwar pou Dimans le 23 Avril.

Dapre enn koleg travay, li dir ki viktim la ti sorti travay pou li al lakaz me finn ariv sa aksidan la. “Li bien trist trouv enn koleg ki fatigue, ek pe al lakaz trankil lo so motosiklet fer enn aksidan ek sa si nou pa konn sirkonstans. Me bondie ki finn desid sa,” so enn koleg partaze.

Comments

comments