[Exclusive Video] Rose-Hill: Kaptir Zot Fer Enn Akte Sorselri Lo Lakwraze Lo Cameta CCTV

Loading...

Enn interlokuter inn apros nou avek enn video kot nou trouv enn zom ek enn madam, ki ti lo motosiklet, fer enn akte sorselri lo enn lakwraze dan Rose-Hill, Lindi le 24 Avril, ver midi.

Nou finn gengn informasyon ki tousala inn deroule Dr jeetoo street, Rose-Hill, pre kot Hazra Food House.

Dan video la, nou trouve ki motosiklist la arete lo enn la kwraze. Li tir koko ek bann lezot materyel linn prepare pou fer so sorselri. Dernie ler lo video la, nou trouv li zet tou deryer li avan li demare ek ale.

Chek video:

Nou interlokuter inn dir ki li ti sorti so lakaz ver 11hr30 pou al direksyon Quatre-Bornes . Ver 12hr30 kan li pe retourne, linn tonb lo sa koko ek lezot materyel, ki soupsone pou enn akt sorselri, lo mem lakwraze.

Linn al fer resers ek chek lo kamera surveyans pou kone kisana deryer sa akt la. Nou finn montre zot video la pou donn nou kit indis si posib. Ek si kiken kapav tras numero motosiklet la a traver video nou finn ‘upload’, li kapav met enn komanter anba. Mersi lepep pou ed nou.

Comments

comments