[Photos] Lalmatie: Li Rod Kokin 4×4 Ki A Vendre Kan Pe Fer Road Test; Li Mor Dan Enn Crash

Loading...

Finn ariv enn grav aksidan a Lalmatie azordi aswar, Merkredi le 26 Avril. Dapre informasyon nou finn gengne, sofer la pann surviv apre ki veyikil li ti pe kondwir inn fer enn ‘crash’ kont enn baraz. Li ti pe fer enn ‘road test’ avek sa 4×4, ki ti a vendre, ek ti ena lintansyon kokin masinn la.

Ally Puttarroo, enn abitan Gokoola, ki ena 20 an inn perdi lavi dan sa aksidan larout la.

Chek bann foto:

Aksidan fek arive ler nou pe publie lartik la. Lapolis Lalmatie inn mande sur plas. Dapre informasyon preliminer nou finn gengne, sofer la inn desede sur lekou. Li ti al kot proprieter 4×4 la dan lintansyon pou aste masinn la. Linn pran 4×4 la pou al fer enn ‘road test’ ek linn rod kokin li. Me linn fer enn ‘crash’ fatal avek enn baryer an blok apre ki linn kraz enn ‘main courante’.

Dapre proprieter veyikil la, viktim la inn tir pretex pou al teste 4×4 la lo larout. Toutfwa, zen zom la inn diriz li ver enn karokann kot de zom ti pe atann, ek zot so konplis. Bann malfra la inn menas proprieter la avek enn sab. Linn resi sove ek linn al stasyon Quartier Militaire.

Enn parmi bann malfra la inn resi sove apre aksidan la. Li aktivman reserse par lapolis. Inn ouver enn loanket pou fer la limiyer lo sa dram la.

Sa aksidan la amen nombre lamor lo nou larout depi koumansman lane a 46.

Comments

comments