Rose-Belle: Nicola Rant Dan Stasyon Lapolis Avek 600 Lagrin Gandia Dan So Bann Tress

Loading...

Bann polisie Rose-Belle finn temwin enn sen insolit dan zot plas travay yer, Mardi le 25 Avril.

Nicola Cathan, enn abitan lokalite, ti vinn raport enn diskisyon familial stasyon lapolis sa zour la. Me li finn blie retir so bann lagrin gandia ki li ti kasiet dan so bann tress seve rasta.

Vikash, enn parmi bann polisie ki ti prezan, inn remark enn zafer bizar dan so bann tress. Li demann li: “Ki ete sa?”

Nicola reponn: “Atann mo tire li.”

Zot inn gengn enn sok apre sa kan zen zom la inn retir 600 lagrin gandia depi so bann tress. Valer marsan sa bann lagrin la estime a Rs 60 000.

Nicola Cathan pa finn kapav donn bann explikasyon lo provenans sa lagrin la. Linn plase an eta darestasyon.

Comments

comments