Meurtre Sylvio Lamoureux Dan Albion: Jerry Bhojah Admet Ki Linn Touy Viktim La Kan Zot Ti Pe Bwar Ansam

Loading...

Zot lamitie inn fini dan enn bain disan. Enn moua apre meurtre Sylvio Lamoureux dan Albion, lapolis inn prosed a larestasyon enn denome Jerry Bhojah. Sispe la, enn gardyin 34 an, ti enn kamarad bwar avek viktim la. Lekor an eta dekonpozisyon avanse Sylvio Lamoureux ti retrouve le 16 Avril dernie dan enn lakaz kot li ti pe travay kouman gardyin dan Albion.

Rapor otopsi inn konklir ki viktim la inn tabase ek asphysie.

Major Crime Investigation Team inn pran lanket avek tou bann pros viktim la avan konvok Jerry Bhojah azordi gramatin, Zedi le 18 Mai. Linn pass o aveux pandan so interogatwar. Li pou inkulpe pou meurtre divan tribunal Bambous dimin, Vandredi le 19 Mai. Lanket mene par inspekter Ramjhetun ek so lekip sou soupervizyon sef inspeker Golaup.

Comments

comments