[Video] Mor Dan Enn Aksidan: Adie Amouvan Tipti Seshvi, 6 An, Dan

Loading...

Letan finn arete kot lafami Jhurrua dan Clavet, Sebastopol depi Dimans apre-midi le 21 Mai. Zot tifi Seshvi, ki ena 6 an, inn mor swit a so bann blesir ki li finn gengn dan enn aksidan larout pa lwin avek so lakaz ver 16hr, Dimans le 21 Mai.

Tifi la ti al fer enn tour lo motosiklet avek so papa, enn sofer bis ki ena 36 an, kan enn kou linn perdi kontrol so motosiklet avan fini so kours dan enn kanivo. Zot inn blese grav, ek tipti Seshvi inn rann lam an rout pou lopital. Lotopsi inn revele ki linn perdi lavi swit a bann multip blesir. Vishal, ki ti belse lo so latet, inn admet dan mem lopital. Linn plase an eta darestasyon ek li finn otorize pou asiste funeray so tifi.

Emosyon ti palpab dan Clavet koumansman lapre-midi yer, Lindi le 22 Mai. Zot ti nonbre, parmi bann kamarad ek pros, ki finn uni dan douler pou rann enn dernie omaz a tipti Seshvi. Vijay, gran-per paternel viktim la, rakont nou ki a sak fwa so garson Vishal rant lakaz depi so travay, so tifi demann li pou fer enn tour lo motosiklet.

“Li ti pe atann so papa sorti travay sa zour la. Letan mo finn gengn nouvel ki zot inn fer aksidan, mo finn degaze mo finn al laba,” gran-per la afirme. Se kan linn al sur plas ki linn konstate ki so garson ek tipti tifi inn blese grav. Me tipti tifi la so kondisyon ti pli grav.

Comments

comments