Aret Enn Inspekter Lapolis Sou Lo Volan: Ravindranath Ajoodha “Donn Mwa Enn Sans”

Loading...

Li ti pe roule trankil kan so bann prop koleg finn aret li. Inspekter Ravindranath Ajoodha, 53 an, ki abit Bain-des-Dames, finn arete yer aswar, Merkredi le 24 Mai. Li ti pre kot zardin konpagni. Sa polisie la travay dan departman Central Criminal Investigation Division (CCID) ek linn atir latansyon enn polisie akoz fason li ti pe kondwir. Li ti lo volan so loto, enn Nissan blan. Polisie la in soupsone ki li pe kondwir sou.

Finn kondwir inspekter lapolis la stasyon lapolis Pope Hennessy. Inn fer enn alkol test avek li ki finn revel positif, avek enn to lalkol ki depass 100 mg. Li ti bien lao limit ki otorize par lalwa. Sispe la akize pou enn sarz kondwir kan sou. Li finn plase an detansyon dan stasyon Pope Hennessy.

Dapre bann informasyon ki nou finn gengne, inspekter la inn esay inflians so bann koleg pou gengn enn sans ek abandonn bann sarz la. Linn mem insulte zot.

Comments

comments