Lopital SSRN: Gengn 2 Sofer Lanbilans Positif Pou Alkol Test Ek Pankor Pran Oken Aksyon Kont Zot

Loading...

Nou finn gengn informasyon ki Zedi le 18 Mai, inn fer alkol test lo de sofer lanbilans dan lopital lenor kot tou le de sofer ti positif pou lalkol pandan zot ler travay. Nou interlokuter, enn denome Raj (nom fiktif), dir nou ki ziska ler pankor pran oken aksyon kont zot.

Raj rakonte: “Si pe gengn sofer lanbilans sou linflians lalkol pandan zot ler travay, al imazine ki kapav ariv zot lo larout si ena enn emergency sa ler la. Li inaseptab ki enn sofer lanbilans bwar dan so ler travay. Nou demann otorite konserne guet sa dosie la pli vit posib ek fer le neseser avan ki zot touy inosan lo larout.”

Sa test la inn fer Zedi le 18 Mai ant 23hr ek 1hr dimatin. Inn anvway sa konplint la minister lasante ek departman transport officer. Oken aksyon pankor pran ziska ler. Eski zot dakor gengn sofer lanbilans positif pou lalkol pandan zot ler travay? Imazine si ou enn fami ou kamarad blese lo larout kot bizin lanbilans ek nou trouv zot zigzage lo larout ou mem pa vini, zis akoz zot sou dan zot ler travay.

Met enn komanter anba ek si kiken kapav kontakte bann otorite konserne poz kesyon lo sa zafer la, ti pou bon. Paski nou pey pe derive, ek pa pe pran aksyon kan enn kitsoz pa pe deroul kouma bizin. Partou koripsyon.

 

Comments

comments