Cité-Vuillemin, Quartier-Militaire: Zot Touy Enn Vie Madam Kout Ross Zour Fet Mama

Loading...

Quartier-Militaire finn teat enn dram yer aswar, Dimans le 28 Mai, zour fet mama.

Kamlawtee Ragoo, enn abitant Cité-Vuillemin, Quartier-Militaire, ki ena 69 an, finn mortelman agrese par so bann vwazin, avek ross.

Sa dram la finn prodwir ver 23 hr. Dapre Pradeep D., enn manb lafami, trwa vwazin ti pe fer tapaz divan laport viktim la.

Madam la inn demann zot pou ale. Me banla pa finn apresie Kamlawtee Rugoo. Zot inn koumans zour li.

Sitiasyon la inn vinn volatil. Bann vwazin, dapre Pradeep D. inn koumans revolte ek anvway ross dan so direksyon. Linn blese grav lo latet ek vant, ek linn rann lam. So garson osi finn blese dan sa diskisyon violant la ek finn ospitalize.

Trwa sispe finn arete dan sa zafer la. Pou interoz zot azordi, Lindi le 29 Mai.

Comments

comments