Cité Dieu, Riambel: L’adsu Aret ‘Ziakazom’ Avek Ladrog, Enn Santer Ki Bien Konu

Loading...

Zoli kou de file ki brigad antidrog Southern Division inn realize Mardi le 30 Mai. Pandan enn operasyon ki zot inn fer dan Riambel, plizir individu finn interpele, ladan enn santer ki bien konu apel ‘Ziakazom’. Li finn arete dan cité Dieu. Ti ena papie aluminium ki ena tras eroinn dan so posesyon. Lakaz enn so bann pros inn fouye ek pa finn trouv naryen konpremetan. Santer la finn relase lo parol. Li finn tradwir divan lakour Merkredi le 31 Mai.

Loading...

Enn tigit avan, enn zen zom 24 an finn interpele dan African Town. Inn retrouv de poulia gandia lo li. Li finn relase lo parol. Li finn konparet lakour Merkredi.

Ver 11hr45 mem zour, enn lot lekip l’adsu, akonpagne avek enn lekip SSU, inn perkizisyonn lakaz enn abitan African Town. 11 doz eroinn, enn lam razwar avek tras ladrog ek Rs 11 000 inn sezi. Zom 44 an la inn kondwir dan buro l’adsu pou so interogatwar avan plas li an detansyon polisiyer. Linn konparet divan lakour Souillac Merkredi le 31 Mai.

Comments

comments