[Video] Rose-Hill: Kan Enn Bus CNT Transform An ‘Bato Glass Bottom’

Loading...

Marcelino inn apros nou azordi, Vandredi le 16 Juin, pou montre nou enn gran danze ki linn fer fas dan enn bus CNT ki ti pe al direksyon Port-Louis via Rose-Hill. Sa finn deroule Mardi le 13 Juin.

Marcelino rakonte: “C dan ene bus cnt ça, route 156 vers Port Louis via Rose Hill, Mone rentre dans bus la vers 7:05 am a avenue Ollier, Bus la ti a moitié plein et ti ena oci bane zeleve lekol et mone pran place ene ti peu a l’arriere, mais mo pane remarké ki ena ene trou emba mo lipied parski mone pose mo sac lor mo genou, Donc c a la hauteur de Super U ki mone senti ene frasser ki pé passe emba mo siege, mone trouv ça drole vue ki bus la ti ena aircon ki pa ti pé fontioné et ki tou vitre ti blindé et sans l’ouverture.”

Marcelino dir ki kan bus la inn ariv bistop Ah Ling zis avan lagar Rose-Hill, bann etudian kolez Eden inn desan ek linn apel kontroler pou fer konplint avek li. “mone dir li si par malheur ene zenfan so lipied rentre ladan imagine ene cou la gravité de blessure ki li pou subir, Et mone dir li ki li bizin retour garage pou fer repare ça trou la vue ki persone labas pane fer okene check up le matin avant met bus la lor la route.”

Video:

Loading...

Nou interlokuter dir nou ki linn remarke ki plizir plas lo sol bus la ti ena bann plak tol ki finn rapieste inpe partou. Par laswit, linn fer sa video la kom prev pou ki lepep pran konsians lo ki kalite neglizans ena dan servis publik ek ki kalite danze ki opoz a nou kan nou sorti lakaz gramatin.

Pou fini Marcelino dir: “Et avan mo desane a Coromandel mone ordonne controler la ki li blok ça siege la pou ki personne pa vine assiz lor la et concienment line comfirme moi ki kan li arrive la gare P.Louis pou debarque passager li retour bus la garage.”

Comments

comments