Rodrigues: Enn Solda SMF Morisyen Akize Pou Viol Enn Kolezyenn 16 An

Loading...

Criminal Investigation Division (CID) Port-Mathurin inn aret enn solda Special Mobile Force (SMF) ki finn poste Rodrigues. Sa zen zom 23 an la soupsone pou viol enn kolezyenn 16 an.

Mama adolesant la inn port plint azordi, Mardi le 20 Juin. CID Port-Mathurin inn fini prosed a enn parad idantifikasyon.

Tousala inn deroule Vandredi le 9 Juin. Sa zour la, kolezyenn la pa ti al lekol. Dapre li, Morisyen la inn atir li dan guerit sekirite divan batiman Mauritius Broadcasting Corporation Rodrigues, ki trouv Mont Venus, ver 15hr.

Solda SMF la ena 3 an servis dan lafors polisiyer. Li ti Rodrigues depi trwa semen ek ti bizin rant Moris Vandredi. Li nie tou akizasyon viol la. Li finn plase an detansyon ek pou tradwir lakour Port-Mathruin Merkredi gramatin le 21 Juin.

Adolesant la pou fer enn lexamin medikal pou determine si li finn viktim enn agresyon sexuel.

Comments

comments