Atansyon Tou Bann Dimoun Ki Zot Lafami Travay Dan Bato – SHARE

Loading...

Enn zom, ki ena 30 an ek abit Bambous, inn apros nou azordi, Vandredi le 23 Juin, pou met lepep okouran enn arnak ki pe deroule dan nou ti zil. Jayesh, nou interlokuter, travay dan bato ek li dir li finn gengn enn surpriz kan so paran inn telefonn li pou rakont li saki finn deroule.

Jayesh dir: “Ena enn dimoun inn telefonn lakaz kot mwa kan mo ti lo bato. Zot inn dir mo paran ki swadizan lapolis inn aret mwa avek ladrog ek zot pe demann Rs 50 000 pou less mwa kontinie travay.”

Nou interlokuter inn dir ki se bann arnaker ki pe fer sa ek ena bann paran pe fini kwar paski zot pa resi gengn kontak avek so lafami lo bato pou kone si vre ou manti. Jayesh inn trouve ki se inportan pass sa mesaz la ek lepep pou pran bann prekosyon ek pa tonb dan piez la.

Jayesh demann bann personn ki pe travay lo bato osi fer enn devwar inform zot paran ki zot korek de tan an tan. Nou demann zot partaz sa lartik la ek fer sa mesaz la pase. Mersi.

Comments

comments