Bambous: Ayesha, 25 An Ek Abit Belle-Rose, Dir “Mo Ex Vinesh Inn Sekestre Mwa Ek Viol Mwa Dan So Lakaz”

Loading...

Li finn menas pou touy Ayesha ki ena 25 an (nom fiktif). Vinesh R., enn abitan Bambous, 28 an, finn arete par lapolis Vandredi le 23 Juin.

Viktim Ayesha (source: Motinews.info)

Vinesh so ex kopinn, enn abitant Belle-Rose ki ena 25 an, inn port plint kont li stasyon lapolis Bambous dan lapremidi pou kidnapping, sekestrasyon ek viol. Vinesh pou tradwir divan Bail and Remand Court azordi, Samdi le 24 Juin.

Ayesha dir: “Sa zour la mo ti pe al travay avenu Surat dan Quatre-Bornes. Enn kou enn fourgonet inn borde ar mwa. Mo ex, Vinesh, ti lo volan. Mo ti kase ar li an 2016 paski li ti koumans vinn mari violan. Linn tren mwa dan fourgonet la avan amen mwa kot li.”

Viktim la inn dir ki linn esay defann li me li pann kapav. Vinesh inn sekestre li ek viol li mem zour. Linn osi donn Ayesha menas de mor si li ouver so labouss ek rakont saki finn arive. “Kan linn sorti, monn resi gengn enn portab. Monn telefonn mo papa pou li vinn sers mwa ek linn resi sap mwa.”

Comments

comments