Albion: 3 Zom Touy Enn Fam Apre Sove Dan Viktim La So Loto

Loading...

Enn vol inn vir dan dram dan Albion dan lanwit Zedi le 6 Juillet. Janice Farman, enn Ecossaise, ki ena 47 an, ti dan so lakaz kan trwa malfra ankagoule inn fer irupsyon.

Dapre bann premie informasyon nou finn gengne, zot inn touf viktim la avek enn kousin avan kokin dan so lakaz. Enn televizyon, enn Play Station ek bann bizou finn anporte. Tou sa sen la finn deroule divan so garson adoptif ki ena 10 an.

Kan zot inn fini kokin, bann voler la inn sove dan loto viktim la, enn Nissan Tiida, imatrikule 4389 AG 10, kouler dore. Lapolis finn alerte ek zot inn amnde sur plas. Enn lanket finn ouver ek bann malfra la ek loto la aktivman reserse.

Dapre bann informasyon ki nou finn gengne, viktim la ti enn direktris enn konpagni ki trouv dan Quatre-Bornes. So konpagnon aktuelman an vwayaz dan Cameroun.

Comments

comments