Le Chaland: Lapolis Aret 4 Personn An Posesyon 3 Kilo Gandia Valer Rs 1.4 Millions

Ala ankor enn nouvo sezi ladrog. Apre enn operasyon polisiyer dan lesud nou pey, pli presizaman dan Le Chaland, trwa kilo gandia finn sezi. Valer marsan sa ladrog la estime a Rs 1 350 000.

Operasyon la finn mene Merkredi le 9 Aout par sef inspekter Jhurry ek Anti Drug and Smuggling Unit Southern, sou soupervizion Deputy Commissioner of Police Bojhoo.

Bann ofisie la finn prosed a larestasyon kat individu ki ti pe al livre sa ladrog la. De ti pe sirkil dan motosiklet ek de lezot la ti dan loto.

Sa kat sispe la, bann abitan Camp-Levieux ek Plaine-Magnien, finn soumet a enn lafouy. Enn sertenn kantite semans gandia finn retrouve dan zot posesyon. Ek enn som larzan Rs 400 000.

Comments

comments