Grand-Baie: Enn Sud-Africaine 17 An Port Plint Pou Atousman Sexuel

Limaz Moris risk a nouvo pran enn sal kou. Enn Sud-Africaine ki ena 17 an, ki travay kom vandez dan enn magazin ki trouv dan Grand-Baie, inn port plint kont so anplwayer. Zen tifi-la akiz li pou atousman sexuel.

Enn akizasyon provizwar datanta a lapuder finn retenir kont zom-la ki ena 50 an parla. Li finn retrouv liberte kondisyonel kont enn kosyon Rs 5 000.

Dan so plint, Sud-Africaine-la explike ki so patron pa aret koz langaz vulger avek li ek fer bann karakter sexuel anver li depi ki linn koumans travay dan magazin-la. Ek Vandredi le 11 Aout, li finn komet bann atousman lo li.

Zom-la finn nie tou alegasyon ki finn repros li. Adolesant-la pou so par finn examine par enn medsin lezist ek finn admet lopital SSRN, Pamplemousses. Lanket mene par lapolis Grand-Baie.

Zen tifi-la dan Moris depi mwa Juillet. So bann paran inn resaman fer enn demann pou enn permi rezidans dan lil Moris.

Comments

comments