Meurt Dan Baie-du-Tombeau: Marie Jenny, 33 An, Pwayard So Mari, 29 An, Mortelman

Kurt Teddy Telcide pa finn surviv so bann blesir. Li ti pwayarde par so madam, Marie Jenny, Zedi le 10 Aout, pandan enn diskisyon, zom 29 an-la finn rann lam Samdi le 19 Aout dan lopital SSRN, Pamplemousses. Pou pratik enn otopsi azordi, Dimans le 20 Aout.

Yer, madam viktim-la finn arete. Fam 33 an inn mintenu dan sant detansyon Moka. Marie Jenny Telcise pou tradwir divan Bail and Remand Court azordi, Dimans le 20 Aout.

Antretan, Child Development Unit finn pran sarz so de ti zanfan.

Tou sa zafer-la remonte Zedi le 10 Aout. A bann polisie Baie-du-Tombeau, Marie Jenny Telcide inn avoue ki linn pwayard so mari par ‘lezitim defans’. Dapre trantener-la, zour insidan-la, li ti pe prepar dine ek ti ena enn kouto dan so lamin. A enn moman done, so mari inn rantre. “Li finn koumans kriye ek inn dir mwa ki li pou amen enn lot fam dan lakaz.”

Marie Jenny Telcide inn alos reponn ki li pa pou bouze depi sa lakaz-la. “Nou ti pe diskite ek an mem tan mo ti pe met dilo so dan termos mo garson. Li finn pran kasrol dilo so-la ek inn vers sa lo mo latet,” li dir. Par laswit, Kurt Teddy Telcide finn pran enn kouto ki trouv lo latab.

“Linn koumans bat mwa, kouto dan mo lamin. Li ti anvi pik mwa avek kouto-la. Se lamem ki monn pwayard li lo so lerin,” sa mama-la dir. Kan linn trouv disan, li finn kit plas-la pou al stasyon lapolis Baie-du-Tombeau. Apre ki linn donn so versyon avek lapolis, li finn libere lo parol.

Lanket mene par lapolis Baie-du-Tombeau ek Criminal Investigation Division Metro North.

Comments

comments