Trou-aux-Biches: Lapolis Interpel 2 Skippers Avek 5 Kolis Gandia

Operasyon polisiyer-la finn fer gramatin boner. De skippers-la pa finn gengn letan kasiet zot gandia ki ti dan zot posesyon.

Zot finn gengn informasyon, bann limie Anti-Drug and Smuggling Unit Northern Division inn debarke 07hr20, Samdi le 19 Aout, dan lakaz enn skipper ki ena 39 an, dan lari Cardinal, Morcellement Kangally, Trou-aux-Biches.

Enn perkizisyon ki finn permet bann limie sezi de kolis gandia ek 5 lagrin.

Sink minit apre, bann lezot anketer finn al lakaz so vwazin, enn skipper ki ena 25 an. Pandan lafouy, zot inn retrouv trwa kolis gandia dan so posesyon.

Zot finn anbark de sispe-la stasyon lapolis ek de skippers-la finn libere lo parol. Zot inn prezant lakour azordi, Lindi le 21 Aout.

Comments

comments