Meurt Eau-Bouillie: Mitthunsing Bumma, Ki Fi’nn Brul So Fam, Pe Rod Liberte

Li provizwarman akize pou meurt ek swet so liberte. Bann deba otour so mosyon pou remiz an liberte sa sispe-la, Mitthunsingh Bumma, finn ranvwaye pou le 23 Septam. Rezon: bann anketer pankor gengn rapor test ADN.

Sispe-la ti akonpanie so bann zom delwa, Mes Ridwaan Toorbuth ek Rama Valayden, pandan so konparisyon divan mazistra Vignesh Ellayah, dan Bail and Remand Court, Merkredi le 23 Aout.

Bann avoka-la pann insiste pou ki mosyon so liberte kondisyonel zot klian koumanse.

Mitthunsing Bumma, ki ti arete an 2016, akize pou trangle so madam, Vidhi Bumma, apre enn diskisyon. Sispe-la inn avoue so krim le 21 Mai 2016.

Sa sofer kamyon-la, ki ena 34 an, finn bat Vidhi Bumma avan trangle li. Li finn answit anvelop so lekor dan enn dra ek fi’nn al dan enn plantasyon ki trouv dan Eau-Bouille.

So landimin, li re fi’nn al laba sur plas pou brul kadav-la avek petrol.

Comments

comments