Atousman Lo Enn Miner 17 An: Li Port Plint Kont So Patron, Ki Enn Ansyin Polisie

Li dir li finn viktim atousman. Enn Sud-Africain ki ena 17 an ek ki travay kouma vandez dan enn magazin ki trouv dan Grand-Baie inn port plint kont so patron, enn ansyin polisie, lasemen dernie.

Dan enn premie tan, se lapolis Grand-Baie ki ti pe fer lanket. Apre, dosie-la inn transfere Criminal Investigation Division lokalite.

Ek depi yer, Zedi le 24 Aout, se Central Criminal Investigation Department ki ansarz sa zafer-la. Enn nouvo lanket pou fer sou soupervizyon DI Sookun.

Dapre adolesant Sud-Africaine-la, li ti pran travay dan magazin, an atandan ki so bann paran gengn enn permi rezidans. Lafami dan Moris depi Juillet.

Me depi sa, so patron servi enn langaz obsen kan li koz avek li ek le 11 Aout li finn komet bann atousman sexuel lo li. Zen tifi-la finn examine par enn medsin lezist.

Arete, sispe-la finn tradwir lakour apre finn pey enn kosyon Rs 5000 pou retrouv liberte kondisyonel. Sispe-la nie tou bann fe ki finn reprose kont li.

Comments

comments