[Photos] L’Escalier: Enn Yacht Kraz Lo Enn Resif, Skipper-la Retrouv Li Dan Lopital

Li sorti Afrique du Sud ek finn met kap lo Nouvelle-Zelande. Sof ki perip Kobs Reinier, enn Allemand ki ena 70 an, inn pran fin enn fason premature. So yacht, batize Hegeit, finn eswe lo resif enn koray dan lagon Bassin Carangue ki trouv dan l’Escalier.

Alerte ver 8hr azordi, Vandredi le 25 Aout, bann eleman National Coast Guard Souillac ek Chaland finn imediatman al sur plas.

Allemand-la inn explik zot ki kan so yacht finn eswe, li finn panike ek finn zet dan dilo pou regengn later ferm. Li finn transporte a lopital Jawaharlal Nehru ki trouv dan Rose-Belle pou bann swin.

Antretan, bann eleman gardkot nasyonal inn prosed a enn inspeksyon yacht-la. Zot inn konstate ki li finn kwinse lo resif koray-la. Finn osi ena enn fele lo yacht-la.

Toutfwa, yacht-la pa reprezant oken danze. Oken fwit karburan pa finn desele osi. Gardkot pe swiv sa sitiasyon-la depre.

Comments

comments