Port-louis: Lapolis Dekouver Rs 444, 800 Dan Sak Ledo Enn Motosiklist

Bann fe-la inn deroule lari Brown-Sequard dan Port-Louis. Alos ki bann polisie ti pe fer enn kontrol routinn, zot atansyon inn atire par enn motosiklist ki ti pe paret lous.

Sispe-la finn toutswit intersepte par lapolis. Bann polisie dekouver ki so plak numero foss ek li pena ni permi, ni viniet lasirans.

Bann polisie finn answit atire par so sak ledo ki sispe-la ti pe sere kont li ek se la mem ki linn sove, ek less deryer li so motosiklet ek de kasket.

Patrouy finn lanse ek zot inn swiv li. Zot pa finn tarde pou met lamin lo li. Zot inn fouy so sak byin ek lapolis inn dekouver Rs 444, 800 ki ti garde dan de sak plastik.

Sispe-la, ki ena 30 an parla, finn toutswit apreande. Lapolis soupsone ki larzan-la finn gengne par lavant ladrog. Bann limie Anti-Drug and Smuggling Unit inn prosed a enn lafouy dan so lakaz. Me naryin konprometan pa finn trouve kot li.

Sispe-la ress an detansyon polisiyer.

Comments

comments