Souillac: Li Asom Enn Fam, Tren Li Lo Enn Terin Ek Viol Li

Benoit Babodh, 23 an, finn arete dan lasware Zedi le 24 Aout. Sa zen zom-la, ki konu bann servis lapolis, soupsone pou agres enn abitant Chamouny, ki ena 46 an, sexuelman.

Viktim-la inn port plint stasyon lapolis Chemin-Grenier. Dan so depozisyon, li explike ki li ti pe fer so jogging kan enn individu inn asom li kout gourdin.

Kan linn repran konesans, li ti mwatie nu ek retrouv li lo enn terin vag dan Gris-Gris. Se lamem ki linn konpran ki li finn viktim abu sexuel.

Konstab Nehalkanth, Gaoneadry, Durga ek Adin depi Criminal Investigation Division Souillac, sou soupervizyon surintandan lapolis Pèdre, inn resi met lamin lo sispe-la, Zedi le 24 Aout, apre enn travay fourmi lo terin.

Interoze, Benoit Babodh inn dir ki viktim-la ti konsantant.

Li pou tradwir divan lazisitis azordi, Vandredi le 24 Aout.

Comments

comments