Krim Dan Baie-du-Tombeau: Trwa Sispe Provizwarman Inkulpe Pou Meurt Jean-Noël Stéphane

Trwa sispe finn provizwarman inkulpe pou meurt Jean-Noël Stéphane. Sa mason 43 zan-la, abitan Baie-du-Tombeau, inn trouv lamor yer, Samdi le 26 Aout.

Trwa sispe-la se Stephen Marie, so konkubinn Veronica Perrine, ek Jimmy Perrine. Zot inn konparet divan Bail and Remand Court azordi, Dimans le 27 Aout.

Lapolis inn obzekte zot remiz an liberte sou kosyon. Zot inn rekondwir an selil polisiyer. De lezot sispe ankor reserse dan sa zafer-la.

Dapre bann premie eleman lanket polisiyer, viktim-la inn esay kourtiz konkubinn Stephen Marie.

Linn demann zen fam 18 an so numero telefonn. Stephen Marie ek lezot personn inn rod donn li enn leson ek inn koumans bat li Samdi ver 11hr.

Viktim-la pa ti lwin avek enn supermarse ki trouv dan Baie-du-Tombeau kan agresyon-la inn koumanse. So bann agreser inn apros li ek sa li mem kone, zot inn koumans bat li.

Dapre lapolis, Stephen Marie inn pass o aveux.

Comments

comments