Ste-Croix: 3 Zenes Sekestre Ek Viol Enn Tifi 13 An

Linn tromatize. Sa kolezyenn 13 an-la alegue li finn viole ek sekestre par trwa parmi so ‘kamarad’ dan Ste-Croix, Lindi apremidi.

Li finn port plint stasyon lapolis Abercombrie yer, dan prezans so mama. Trwa sispe-la reserse.

Dapre sertin sours, kolezyenn-la ek so bann lezot kamarad finn kot enn konesans dan larezyon Ste-Croix dan lapremidi Vandredi le 25 Aout. Kan li pe ale, adolesant-la inn blie so sak.

Alors li finn retourn laba Lindi le 28 Aout pou rekuper so sak. Me so kamarad an kesyon finn sekestre li ek viol li. Li finn osi apel de lezot zenes ki finn abuz tifi-la.

Se pandan lazourne yer, Mardi le 29 Aout, ki kolezyenn-la finn rakont so mezavantir avek lapolis Abercombrie.

Li finn answit kondwir a lopital Dr A G Jeetoo ki trouv dan Port-Louis.

Koumansman lasware, li finn transporte a lopital Victoria ki trouv dan Candos kot linn examine par Dr Prem Chamane, Police Medical Officer.

Enn lanket, plase sou soupervizyon asistan komiser lapolis Mohunlall Madhow, finn ouver onivo stasyon lapolis Abercombrie pou fer lalimiyer lo sa zafer-la.

Comments

comments