Bel-Air: Enn Polisie Pass Lanwit Dan Selil Polisiyer Akoz Li Ti Sou Lo Volan

Enn polisie 32 an afekte Divisional Traffic Road Unit inn interpele ek plase dan selil degrisman dan Bel-Air dan lanwit Vandredi le 1er Septam.

So interpelasyon finn fer gras a enn sofer ki finn alert lapolis Montagne-Blanche ki enn loto pe zigzage dan larezyon Sebastopol. Bann ofisie inn fer enn patrouy dan larezyon ek inn trouv sofer-la.

Sofer-la ti fini sou lo volan. Trwa lezot personn ti dan loto-la. Li finn interpele par serzan Bhicajee ek konstab Punnigadu.

Se kan pe verifie so idantite ki bann polisie inn konstate ki sofer ki ti sou-la se zot koleg ki pa ti an servis sa moman-la.

Pandan so interpelasyon, li finn mem esay agress bann lezot polisie-la me finn vit metrize ek plase an selil degrisman dan Bel-Air.

Li finn relase dan lapremidi Samdi ek inn retourn so lakaz. Enn lanket finn ouver ek mene par sef inspekter Varlet ek so lekip sou soupervizyon ACP Hansraj, Divisional Commander Eastern.

Comments

comments