Albion: Lapolis Soupsone Ki Linn Touy So Fam Ek Zet Li Dan Enn Bassin

Dekouvert makab dan Albion yer, Dimans le 3 Septam, ver 21hr. Lekor san lavi enn abitant Saint-Pierre ki ena 43 an finn retrouve dan enn bassin dan Albion.

Konpagnon viktim-la finn apel lapolis ek inn explik zot ki li finn nwaye. Me lapolis pe soupsonn enn ‘foul-play’ ek inn prosed a so arestasyon.

Lapolis pe panse ki sispe-la inn swa touy so konkubinn avan zet li dan bassin ouswa linn pouss li dan bassin-la apre enn diskisyon. Inn transport lekor viktim-la lamorg pou bann bezwin otopsi.

Dapre bann informasyon, sispe-la finn agress so konkubinn dan le pase ek ti an liberte kondisyonel. Lanket pe kontinie lo sa zafer-la pou determinn sirkonstans sa dram-la.

Li bon zot kone ki enn lot lekor finn repese Dimans le 3 Septam par groupman intervansyon lapolis morisyenn. Sa ka-la finn arive dan Valetta.

Comments

comments