Lapolis Aret 2 Sispe Pou Viol Enn Tifi 13 An

Lapolis inn met lamin azordi, Lindi le 4 Septam, lo de zom sispekte pou viol enn kolezyenn 13 an. De sispe-la ena 31 ek 19 an. Enn trwaziem sispe touzour reserse.

Se Crimininal Investigation Division Port-Louis North sou soupervizyon surintandan lapolis Bansoodeb ek asistan komiser lapolis Mohunlall Madhow, Divisional Commander Port-Louis North, ki finn prosed a so arestasyon.

“Sekestre Ek Viole”

Sa zen tifi 13 an-la ti port plint le 29 Aout 2017 stasyon lapolis Abercombrie. Li afirme ki Lindi le 28 Aout, li ti al kot enn ‘kamarad’ me linn sekestre li ek viol li a plizir repriz.

Li finn azoute ki ‘kamarad’-la finn answit apel de lezot zenes ki finn abuz li saken so tour.

Comments

comments