Enn Morisyin Mor Kout Bal Dan Lesotho: “Li finn gengn 2 kout bal divan lizie so madam,” Enn Kouzin Viktim-la Dir

Prakash Jeerakhun, enn businessman Morisyin ki ena 48 an, finn mor apre de kout bal, Samdi le 2 Septam, dan Lesotho.

Saki finn touy sa ansyin abitan Goodlands-la ti anvi kokin so loto. Sa sen-la finn deroule divan lizir inpwisan madam Morisyin-la.

Dapre Suraj, kouzin Prakash Jeerakhun, businessman-la ti pe sorti travay kan sa dram-la finn deroule. “Li ti an rout pou lakaz. Li ti dan loto kan de individu inn blok zot simin.”

Sou menas fuzi, zot inn dir li desann depi veyikil-la me mo kouzin pa finn aksepte. Bann malfra-la inn touy li apre de kout bal divan so madam,” Suraj rakonte.

Prakash Jeerakhun ti pe travay dan Lesotho fini gengn plis ki 25 an. Li ti pe al Afrique du Sud souvan. “li ti enn bon vivan ek zanti. Nou pe fer bann demars pou repatrie depouy-la.”

Se enn moman byin difisil pou lafami,” enn kouzinn businessman-la konfie.

Comments

comments