Belle-Mare: Bann Peser Rod Rs 30 000 Avek Lotel Saint Geran

Pou so bann travay renovasyon, lotel Saint Geran finn konble enn parti lamer. Ladan, se bann peser ki finn afekte ek zot inn manifeste sa.

Dapre premie eleman lapolis, bann peser inn fer enn demann Rs 30 000 avek etablisman-la pou pey sak peser. Manager-la inn fer leneseser pou pey enn parti ant zot Rs 20 000 saken.

Dapre lapolis Belee-Mare, ena bann foss peser ki pe vinn fer demann zot osi ek enn problem inn leve. Oparavan, zot ti deza agress manager-la ek li ti donn so deklarasyon station Belle-Mare.

Azordi osi, Dimans le 10 Septam, zot inn manifeste ek enn diskisyon finn leve ant manager-la ek bann peser. Li deklare ki ena bann foss peser osi ki fer enn demann Rs 30 000. Lapolis inn mande sur plas.

Apre enn moman, lespri inn kalme ek tou inn rant dan lord. Lapolis Belle-Mare inn ouver enn lanket. Bann travay renovasyon pou kontinie dimin ek lapolis pou sur plas pou pran kontrol sitiasyon.

Comments

comments