[Video] Aksidan Fatal Pomponette: “Li Ti Al Enn Aniverser,” So Papa Dir

Fin trazik pou Jonathan Brunette, 21 an. Sa zen zom-la, ki abit Chemin-Grenier, inn trouv lamor dan enn aksidan larout dan Pomponette, gramatin boner, Lindi le 11 Septam. Nissan March dan ki li ti ete inn fer enn sorti derout avan tap an plin avek enn pie.

Veyikil-la, ki ti pe diriz ver Surinam, inn vinn enn mas feray, Lapolis Souillac ek SAMU inn mande sur plas. Bann medsin servis inn malerezman konstat dese Jonathan Brunette.

Video:

Lot okipan veyikil-la inn transporte lopital Nehru, Rose-Belle, kot li finn admet ek sou surveyans polisiyer. Bann anketer soupsone ki li ti lo volan sa loto-la. Li finn fer enn lalkol test ki finn revel negatif. Papa Jonathan Brunette, Louis Léonard, explike ki so garson ti al enn aniverser, lavey dram-la.

Comments

comments