Glen-Park: Aret Enn Fam Etudiant, 24 An, Avek Haschisch

Li riske gro. Enn abitant Glen-Park, ki ena 24 an, inn arete yer, Zedi le 14 Septam. Li ti ena dan so posesyon enn zwin ek enn sase an plastik transparan ki ti ena 9 doz haschich.

Bann fe-la inn prodwir ver 10hr45, Zedi le 14 Septam. Etudiant-la ti dan enn bis ‘contract’, oter 77 Southgate Gym, Souillac, kan veyikil-la inn intersepte par bann eleman Anti-Drug and Smuggling Unit ek Criminal Investigation Division divizyon sud.

Zen fam-la finn interpele. Bann limie inn prosed a enn lafouy lo li. Se koumsa mem ki zot inn tonb lo enn zwin ek 9 doz haschich. Li finn arete ek inn kondwir etudiant-la ziska so lakaz, NHDC Glen-Park, pou enn perkizisyon.

Sur plas, bann polisie-la inn retrouv papie aluminium dekoupe ek frwase. Zot soupsone ki zen fam-la inn servi sa matiyer-la pou anvelop haschich.

Etudiant-la inn plase an detansyon. Li pou tradwir divan tribunal azordi, Vandredi le 15 Septam, sou enn akizasyon provizwar posesyon haschich pou distribusyon.

Comments

comments