Li Soupsone Pou Touy So Papa: Retrouv Akash Auckloo Pandi

Akash Auckloo, ki ti reserse par lapolis dan lanket meurt so papa Danand Auckloo, inn retrouve mor lafin apremidi azordi, Vandredi le 15 Septam, dan Camp des Embrevades, Pamplemousses.

Zen zom 35 an-la finn retrouv pandi. Li finn donn li mem lamor, dapre bann informasyon. Lapolis finn al sur plas.

Madan Akash Auckloo, egalman reserse dan kad sa lanket-la, pankor retrouve.

Danand Auckloo, 63 an, ti retrouve mor dan so lakaz yer, Zedi le 14 Septam. Sa abitan Cité St-Luc-la ti ligote ek so lekor ti disimule anba enn dra anba enn latab.

Dapre nou bann informasyon, Akash Auckloo ti pe diskite souvan avek so papa ek li finn osi ena demele avek lazistis dan le pase. Li ti deza arete pou plizir ka vol.

Bann anketer ti pe soupsone ki Akash Auckloo ek so madam inn touy viktim-la.

Comments

comments