[Exclusive] Swisid Akash Auckloo: Saki So Madam Dir Pou Fer Zot Soke

Akash Auckloo, ki ti reserse par lapolis dan lanket meurt so papa Danand Auckloo, inn retrouve mor lafin apremidi Vandredi le 15 Septam dan Camp des Embrevades, Pamplemousses.

Li ti reserse par lapolis depi finn dekouver kadav so papa, Danand Auckloo, Zedi le 14 Septam. Ek Akash Auckloo, 35 an, inn retrouve pandi Vandredi dernie, dan enn verze ki trouv dan Camp des Embrevades, Pamplemousses.

Dapre nou bann informasyon, avan fer sa akt dezespwar-la, li finn prevenir so madam Henna Auckloo, 24 an. Zen fam-la finn interoze par bann polisie.

“Avan al swiside, li ti fini fer mwa kone ek linn dir mwa al guet lapolis. Li finn touy so papa akoz problem larzan ek li ti inplike dan plizir ka vol depi avan li marye avek mwa. Li ti byin violan avek so premie madam, se pou sa ki zot inn terminn zot relasyon,” madam-la konfie.

Dapre li, sa zour-la, linn desid pou touy so papa pou regle so bann problem. Li pann dir pou ki rezon mem o finn temwin sa sen orer-la. Ek kan li finn fini fer meurt-la, li ti desid pou debarass lekor so papa. Me dernie ler, so ser ek bofrer inn rantre ek linn bizin sove, Akash so madam konfie.

Bann anketer soupsone ki Akash Auckloo inn touy so papa ek panse ki so madam osi inplike ladan. Me madam-la pa koz so inplikasyon dan meurt-la apre ki finn interoz li. Zot pou kontinie zot lanket lo li.

Pou Karuna Auckloo, so garson Akash, ki konu bann servis lapolis, ti byin ‘move’. Me, li dir ki li zame li ti panse ki so garson pou kapav komet enn meurt parey. “Zame mo ti pou kwar ki li pou fer enn zafer koumsa. Mo ti bizin fini met li deor ek pa ekout so papa. Me se li mem ki pann oule. Guet azordi ki linn fer. Mo leker fer mal.”

Otopsi inn atribue dese Danand Auckloo a plis kout kouto lo so vant. Lotopsi Akash Auckloo pou pratike azordi. Lanket pe kontinie lo sa zafer-la.

Comments

comments