Dan Koma Depi Le 20 Juillet: Akshaye Booluck, 18 An, Pa Pou Leve

Li pann surviv a so bann blesir. Dan koma depi le 20 Juillet 2017, Akshaye Booluck, 18 an, inn rann lam azordi, Dimans le 17 Septam.

Li ti dan unite swin intansif dan lopital Victoria, Candos, apre enn aksidan ki ti arive dan Beaux-Songes.

Aksidan-la ti prodwir enn tigit apre 23hr10. Sa zour-la, Akshaye Booluck ti an konpagni so kouzin, Cédric Dorasamy, 24 an. Zot ti lo enn motosiklet.

Zot ti sorti fer enn letour apre enn diskisyon ki Cédric Dorasamy finn gengne avek so bann paran.

Me kan zot inn ariv Beaux-Songes, de kouzin-la finn rant an kolizyon avek enn loto. Sok-la ti telman brutal ki zot inn rpozekte lo koltar.

Cédric Dorasamy, papa enn zanfan ki ena 6 an, inn mor sur lekou. Blese grav, Akshaye Booluck, finn transporte a lopital Victoria.

Comments

comments