Meurt Forest-Side: Henna Auckloo Inkulpe Pou Meurt

Henna Auckloo finn provizwarman inkulpe pou meurt, Samdi divan Bail and Remand Court (BRC).

Lapolis inn obzekte pou so remiz an liberte ek li finn rekondwir dan selil polisiyer. Henna Auckloo explik bann anketer ki so mari Akash inn touy so papa Danand, me li dir li pa konn motif pou linn fer sa.

Vandredi, li finn alert lapolis ki so mari Akash inn met pandi. Li ti ena 35 an ek finn donn li mem lamor dan Camp-des-Embrevades, Pamplemousses. Li ti reserse par lapolis pou meurt so papa Danand Auckloo, 65 an, kinn arive Zedi.

Viktim-la, enn abitan Cité St-Luc, Forest Side, ti retrouve mor dan so lakaz Zedi apremidi.

Viktim-la ti ligote ek disimule par enn dra anba enn latab. Li finn resevwar plizir kout kouto lo vant.

Lapolis ti pe soupsonn Danand so garson pou sa krim-la, akoz enn viv diskisyon finn eklate ant sa de zom-la enn tigit avan dram-la.

Comments

comments