Bambous: Enn Polisie, 27 An, Amen So Fam, 20 An, Fer Aborsyon San Li Kone

Enn polisie, ki apel Avinesh* (non fiktif) ek ena 27 an, inn amen so fam, ki ena 20 an, kot enn dokter prive pou fer so aborsyon. Viktim-la ti 2 mwa ansint ek li pa ti okouran ki dokter-la pou desann so ti bebe. Inn fer sa san so konsantman.

Tousala inn deroule kot enn dokter prive ek laba zen fam-la inn subir enn aborsyon. Li ti 2 mwa ansint ek so lom, ki enn abitan Bambous, inn dir li zot pe al fer enn ‘check-up’. “Le 21 Aout linn amen mwa kot dokter-la ek zot inn retir mo zanfan san mo mem kone,” viktim-la explike.

Le 25 Aout, viktim-la inn al lopital ek dapre bann test ki finn efektue laba, li ti ankor ansint. Dokter lopital-la inn inform li ki malgre sa, ena enn posibilite ki li perdi so zanfan akoz li ti pe sinyin. Me apre 2-3 zour, inn al kone ki so zanfan inn desann. Kan linn demann so lom, lerla linn al revel laverite.

Fam-la inn port plint le 25 Aout ek linn ranpli enn form 58 ki bann polisie inn ranpli pou li. Nou viktim pe viv enn kosmar ek linn pass dan sok. Linn terminn so relasyon avek polisie-la ek anvi fer lazistis dan sa zafer-la.

Le 17 Septam 2017, dapre viktim-la, linn port plint stasyon Quatre-Bornes.

Comments

comments