Agresyon Vallée des Prêtres: Zot Bat Hisham, 23 An, Kout Matrak Akoz Li Kontan Enn Tifi

Hisham, ki abit Port-Louis ek ena 23 an, pa pou blie sa zour-la osi vit. Vandredi le 22 Septam, li finn sorti lakaz pou al priye Moske lari rwayal kan li finn akoste par 2 individu.

Sa ler-la li finn panse ki se bann polisie ek bann-la inn dir ki bizin fer enn lafouy avek li. Kan Hisham inn demann zot pass, bann-la inn koumans menas li ek amen li pre kot enn loto. Hisham konfie: “Zot inn kwins mwa kot loto-la. Dimoun pa finn defann mwa paski zot inn pran mwa pou enn voler.”

Dan loto-la, ti ena enn misie ki li rekonet. Se tonton enn tifi ki li kontan ek sa ler lamem Hisham inn fini konpran ki zot inn vini pou bat li akoz sa zistwar-la. Bann misie-la inn anbark nou viktim dan loto ek inn diriz zot direksyon Vallée des Prêtres.

Laba, zot inn koz avek li apropo so relasyon avek tifi li kontan. Li inn bat li ek agress li kout matrak partou so lekor. Linn blese ek zot inn transport li lopital apre sa. “Mo pou koup to ***** si to ouver to labous apropo sa agresyon-la,” bann-la inn dir Hisham.

Nou viktim inn resevwar bann premie swin lopital. Apre sa, linn al donn enn depozisyon stasyon lapolis Trou Fanfaron ek inn ranpli enn form 58. Azordi Hisham pa santi li an sekirite apre bann menas li finn gengne.

Comments

comments